വിലക്കപ്പെട്ട കനിയാണ് പുരുഷന്‍
എന്നാണ് ആദ്യം പറഞ്ഞത്/അറിഞ്ഞത്
എനിക്ക് വഴങ്ങാത്ത ആ ശരീരത്തോടായിരുന്നു
നിന്നോടായ്യിരുന്നില്ല ആദ്യത്തെ തോന്നല്‍.
ഇണചേരുന്നതിന്റെ ദൈര്‍ഘ്യത്തെ കുറിച്ച്
ആദ്യം വായിച്ചതു കമ്പിപ്പുസ്തകത്തിലല്ല.
നിന്റെ തോന്നലുകളില്‍ ഞാന്‍ ജയിച്ചു തുടങ്ങിയത്
നിന്നെക്കാള്‍ ചൂടില്ല എന്റെ ചായക്ക്
എന്ന തിരിച്ചറിവില്‍ നിന്നാണ്.
തിരക്കുള്ള ബസ്സില്‍ കൈകള്‍ കൊണ്ടും
അരക്കെട്ടുകൊണ്ടും ഇക്കിളിപ്പെടുത്തിയ
അറപ്പുള്ള ആ അനുഭവത്തില്‍ നിന്ന് വിത്യാസമുണ്ടാവും
പുരുഷന്റെ സ്പര്‍ശനത്തിന് എന്ന്
നിന്റെ തിരച്ചിലുകള്‍ക്കൊടുവിലാണ്
ഞാന്‍ കണ്ടെത്തിയത്.
അത് പ്രണയമാണെന്ന് എന്നോട് ഞാന്‍
പറയാന്‍ ശ്രമിച്ചപ്പോഴൊക്കെ
അല്ലെന്നു പറഞ്ഞത് പതര്‍ച്ചകളില്ലാത്ത
പുളച്ചിലുകളായിരുന്നു
പ്രലോഭനങ്ങളാണ് ശരീരങ്ങള്‍.
തൃഷ്ണകള്‍ എണ്ണിനോക്കി കെട്ടു
പിടിവിട്ടു പോകുന്നുണ്ട് പരിധികള്‍
കട്ട് തിന്നുന്നതിന്റെ ചടുലതയാണ്
നമ്മെ നമ്മളില്‍ നിന്നും മറച്ചു പിടിക്കുന്ന
വസ്ത്രങ്ങളോടുള്ള ശരീരത്തിന്റെ
നീ പക്ഷെ ഇനിയും പറഞ്ഞു തന്നില്ല
മുക്കുവന്റെ വലയില്‍ കുടുങ്ങിയ ഇണമീനിന്റെ
പിടച്ചിലോളം വരുമോ നമ്മുടെ മൂര്‍ച്ചകള്‍..
:)
ReplyDelete